Мбаппенинг онаси: «Килиан бу йўлни ўзи танлаган»
Реал футболчисининг онаси Мбаппенинг майдон ташқарисидаги ҳаёти ҳақида фикр билдирди.
photo: gettyimages
Мадриднинг “Реал” клуби ҳужумчиси Килиан Мбаппенинг онаси Файза Ламари футболчининг шуҳрати ва бунинг учун у тўлаяпган товон ҳақида гапирди.
«Майдонда у ўзини анча хотиржам ҳис қилади, майдон ташқарисида эса унда ҳаёт йўқ. Аммо Килиан бу йўлни ўзи танлаган. Ўтган йили ишлар унчалик яхши кетмаётган пайтда у билан гаплашганман. Ундан сўраганман: “Қиз дўст топишни хоҳламайсанми?” Килиан шунда: “Сиз бу тартибсизлик ичида аёлни тасаввур қилаяпсизми?” — деди.
Баъзан у "Peugeot 206" машинасида ҳалқа йўли бўйлаб айланарди, шунчаки атрофда ҳаёт қандай эканини кўриш учун. Энди Мбаппе кўчаларда эркин юра олмайди. Буни кўриш мен учун оғир», — деди Ламари.
