Мбаппе ЖЧ-2022 ярим финалидан буён илк бор мундиалда гол ура олмади
Франциялик юлдузнинг ўзига хос голли серияси якунланди.
Футбол
Насрулло Каримов
Журналист
ФОТО: Getty Images
Килиан Мбаппе ЖЧ-2022 ярим финалидан буён илк бор Жаҳон чемпионати ўйинида гол ура олмади.
Франция терма жамоаси сардори Килиан Мбаппе ЖЧ-2026 гуруҳ босқичи 3-турида Норвегияга қарши баҳсда гол билан ажралиб чиқа олмади. Учрашув Франциянинг 4:1 ҳисобидаги ғалабаси билан якунланди.
Бунгача Мбаппе Жаҳон чемпионатларидаги кетма-кет учта ўйинда гол уришга муваффақ бўлганди. У ЖЧ-2022 финалида Аргентинага қарши хет-трик қайд этган, ЖЧ-2026да эса Сенегал ва Ироқ дарвозасига иккитадан гол урганди.
Норвегияга қарши баҳсда Мбаппенинг голли серияси тўхтади. Шунга қарамай, у учрашувда иккита голли узатма амалга оширди. Франция терма жамоаси гуруҳ босқичини 9 очко билан биринчи ўринда якунлади.