Мбаппе жароҳати сабаб «Реал»нинг кейинги иккита ўйинини ўтказиб юбориши мумкин
Мадриднинг «Реал» клуби ҳужумчиси Килиан Мбаппе чап тиззасидан олган жароҳати сабабли бугун, 25 февраль куни Чемпионлар Лигаси доирасидаги «Бенфика»га қарши жавоб учрашувини ўтказиб юбориши кутилмоқда. AS нашри хабар беришича, у 2 март куни бўлиб ўтадиган «Хетафе»га қарши баҳсда ҳам майдонга тушмаслиги мумкин.
Клуб раҳбарияти ва шифокорлар Мбаппенинг 7 март куни «Сельта»га қарши кечадиган ўйингача сафга қайтишига ишонч билдиришмоқда. L'Equipe нашри эса ҳужумчи 24 февраль куниги машғулотни жароҳат сабабли тўхтатишга мажбур бўлганини тасдиқлади.
Маълумот учун, Мбаппе жорий мавсум барча турнирларда 33 та ўйинда иштирок этиб, ўз ҳисобига 38 та гол ёздириб қўйди ва жамоадошларига 6 та голли узатмани амалга оширди. Футболчининг Мадрид клуби билан шартномаси 2029 йилгача мўлжалланган бўлиб, Transfermarkt портали унинг бозор қийматини 200 миллион еврова баҳоламоқда.
