Mbappe jarohati sabab «Real»ning keyingi ikkita oʻyinini oʻtkazib yuborishi mumkin
Madridning «Real» klubi hujumchisi Kilian Mbappe chap tizzasidan olgan jarohati sababli bugun, 25 fevral kuni Chempionlar Ligasi doirasidagi «Benfika»ga qarshi javob uchrashuvini o‘tkazib yuborishi kutilmoqda. AS nashri xabariga ko‘ra, u 2 mart kuni bo‘lib o‘tadigan «Xetafe»ga qarshi bahsda ham maydonga tushmasligi mumkin.
Klub rahbariyati va shifokorlar Mbappening 7 mart kuni «Selta»ga qarshi kechadigan o‘yingacha safga qaytishiga ishonch bildirishmoqda. L'Equipe nashri esa hujumchi 24 fevral kungi mashg‘ulotni jarohat sababli to‘xtatishga majbur bo‘lganini tasdiqladi.
Maʼlumot uchun, Mbappe joriy mavsum barcha turnirlarda 33 ta o‘yinda ishtirok etib, o‘z hisobiga 38 ta gol yozdirib qo‘ydi va jamoadoshlariga 6 ta golli uzatmani amalga oshirdi. Futbolchining Madrid klubi bilan shartnomasi 2029 yilgacha mo‘ljallangan bo‘lib, Transfermarkt portali uning bozor qiymatini 200 million yevroga baholamoqda.
