Мбаппе жароҳати сабаб Исландияга қарши ўйинни ўтказиб юборади
Ҳужумчи Озарбайжонга қарши ўйинда жароҳат олган эди.
ФОТО: Getty images
Килиан Мбаппе жароҳат олиб, терма жамоа лагерини тарк этди. Бу ҳақда Франция футбол федерацияси расмий сайтида маълум қилди.
Манбага кўра, футболчининг тўпиғидаги жароҳати қайталаган. Натижада у 13 октябрь куни бўлиб ўтадиган Исландияга қарши ўйинда иштирок эта олмайди.
Эслатиб ўтамиз, ҳужумчи Озарбайжонга қарши ўйинда (3:0) жароҳат олган эди. Бош мураббий Дидье Дешам учрашувдан сўнг футболчининг ҳолати ҳақида маълумот берди:
“Килиан ўйинда тўвон соҳасида оғриқ сезди. Унга тиббий ёрдам кўрсатилди, аммо хавф туғилмаслиги учун Исландияга қарши ўйинда майдонга тушмаслиги маъқул деб топдик”, ‑ деди Дешам.
