Mbappe jarohati sababli Islandiyaga qarshi o‘yinni o‘tkazib yuboradi
Hujumchi Ozarbayjonga qarshi o‘yinda jarohat olgan edi.
ФОТО: Getty images
Kilian Mbappe jarohat olib, terma jamoa lagerini tark etdi. Bu haqda Fransiya futbol federatsiyasi rasmiy saytida ma’lum qilindi.
Manbaga ko‘ra, futbolchining to‘pig‘idagi jarohati qaytalagan. Natijada u 13 oktyabr kuni bo‘lib o‘tadigan Islandiyaga qarshi o‘yinda ishtirok eta olmaydi.
Eslatib o‘tamiz, hujumchi Ozarbayjonga qarshi o‘yinda (3:0) jarohat olgan edi. Bosh murabbiy Didier Desham uchrashuvdan so‘ng futbolchining holati haqida ma’lumot berdi:
“Kilian o‘yinda tovon sohasida og‘riq sezdi. Unga tibbiy yordam ko‘rsatildi, ammo xavf tug‘ilmasligi uchun Islandiyaga qarshi o‘yinda maydonga tushmasligi ma’qul deb topdik”, ‑ dedi Desham.
