Мбаппе жамоадошларига «Барселона» учун чемпионлик йўлагини яратишга тўсқинлик қилди
Учрашув каталонияликларнинг 3:2 ҳисобига ғалаба билан якунланди.
ФОТО: Getty Images
Мадриднинг «Реал» клуби ҳужумчиси Килиан Мбаппе Испания Суперкубоги финалидаги 2:3 ҳисобидаги мағлубиятдан сўнг жамоадошларига «Барселона» футболчиларига чемпионлик йўлаги ташкил этишга тўсқинлик қилган. Бу ҳақда журналист Альфредо Мартинес хабар берди.
Турнирнинг финал учрашуви Саудия Арабистонининг Жидда шаҳридаги «Кинг Абдулла Спортс Сити» стадионида бўлиб ўтди.
Қайд этиш жоиз, «Барселона» ўз тарихида 16-марта Испания Суперкубогини қўлга киритиб, ушбу турнир рекордчисига айланди. Мадриднинг «Реал» клуби эса мазкур совринни 13 бор қўлга киритган.
Шунингдек, каталонияликлар сўнгги етти ўзаро учрашувнинг олти тасида «Реал» устидан ғалаба қозонган.
Насрулло Каримов
Журналист