Мбаппе ва Беллингем «Реал»нинг «Ман Сити»га қарши жавоб ўйини учун қайдномаға киритилди
Ҳужумчи Килиан Мбаппе ва яримҳимоячи Жуд Беллингем УЕФА Чемпионлар Лигасининг 1/8 финал босқичи доирасидаги «Манчестер Сити»га қарши жавоб ўйини учун Мадриднинг «Реал» клуби қайдномасига киритилди.
Аввалроқ ҳар икки футболчининг соғлиғида муаммолар мавжуд эди. «Манчестер Сити» ва «Реал» жамоалари ўртасидаги баҳс 17 март куни «Этихад» стадионида бўлиб ўтади.
Жамоалар ўртасидаги дастлабки учрашув «қироллик клуби»нинг 3:0 ҳисобидаги ғалабаси билан якунланган эди. Ўша ўйинда Федерико Валверде хет-трик қайд этиб, жамоасининг муваффақиятини таъминлаган эди.
Маълумот ўрнида, Чемпионлар Лигасининг амалдаги ғолиби Франциянинг «Пари Сен-Жермен» клуби ҳисобланади. Парижликлар ўтган мавсум финалида Италиянинг «Интер» жамоасини мағлуб этган ҳолда бош совринни қўлга киритишган эди.
