Мбаппе «Реал»да унинг обрўсига путур етказмоқчи бўлаётганлар бор деб ҳисобламоқда
Мадриднинг «Реал» клуби ҳужумчиси Килиан Мбаппе «Қироллик клуби»да унинг нуфузини туширишга уринаётган шахслар бор, деган фикрда. Франциялик футболчини ушбу ҳолат қаттиқ хафа қилмоқда. Бу ҳақда Marca нашри хабар бермоқда.
Испания нашрининг мақоласида таъкидланишича, аввалроқ «қаймоқранглилар» бош мураббийи Альваро Арбелоа франциялик форварднинг ғурурига тегадиган бир нечта баёнотлар берган.
Эслатиб ўтамиз, пайшанба куни, 14 май оқшомида Ла Лиганинг 36-тури доирасида бўлиб ўтган «Реал» — «Овьедо» (2:0) учрашувидан сўнг Мбаппе журналистлар қаршисига чиққан эди. Ўшанда у Арбелоа унга жамоадаги тўртинчи ҳужумчи эканлигини айтгани учун ҳам ўйинни асосий таркибда бошламаганини маълум қилганди. Матбуот анжуманида эса
испаниялик мутахассис форварднинг сўзларини инкор этди ва Мбаппега ҳеч қачон «клубнинг тўртинчи ҳужумчисисан» деб айтмаганини алоҳида таъкидлади.
