Mbappe «Real»da uning obro‘siga putur yetkazmoqchi bo‘layotganlar bor deb hisoblamoqda
Madridning «Real» klubi hujumchisi Kilian Mbappe «Qirollik klubi»da uning nufuzini tushirishga urinayotgan shaxslar bor degan fikrda. Fransiyalik futbolchini ushbu holat qattiq xafa qilmoqda. Bu haqda Marca nashri xabar bermoqda.
Ispaniya nashrining maqolasida ta’kidlanishicha, avvalroq «qaymoqranglilar» bosh murabbiyi Alvaro Arbeloa fransiyalik forvardning g‘ururiga tegadigan bir nechta bayonotlar bergan.
Eslatib o‘tamiz, payshanba kuni, 14 may oqshomida La Liganing 36-turi doirasida bo‘lib o‘tgan «Real» — «Oviedo» (2:0) uchrashuvidan so‘ng Mbappe jurnalistlar qarshisiga chiqqan edi. O‘shanda u Arbeloa unga jamoadagi to‘rtinchi hujumchi ekanligini aytgani uchun ham o‘yinni asosiy tarkibda boshlamaganini ma’lum qilgandi. Matbuot anjumanida esa
ispaniyalik mutaxassis forvardning so‘zlarini inkor etdi va Mbappega hech qachon «klubning to‘rtinchi hujumchisisan» deb aytmaganini alohida ta’kidladi.
