Мбаппе «Реал» ва «Барселона» ўртасидаги фарқни айтди
Франциялик футболчи 2024 йилнинг ёзидан буён Мадрид клуби сафида тўп сурмоқда.
Футбол
Насрулло Каримов
Журналист
ФОТО: Getty Images
Мадриднинг «Реал» клуби ҳужумчиси Килиан Мбаппе «қаймоқранглилар» ва «Барселона» ўртасидаги асосий фарқ нимада эканлигини айтиб ўтди.
«“Барселона” футбол тарихи учун жуда катта таъсир кўрсатган, аммо Мадриднинг “Реал” клуби жаҳон эталони ҳисобланади. Дунёдаги барча учун, фақатгина “Барселона” мухлисларидан ташқари, “Реал” энг йирик клуб эканлиги яққол ҳақиқатдир», — деди Мбаппе.
Франциялик ҳужумчи «Реал» сафига 2024 йилнинг ёзида келиб қўшилган эди. Ушбу давр мобайнида Мбаппе барча мусобақаларда жами 103 та ўйинда майдонга тушиб, 86 та гол ва 12 та голли узатмани ўз ҳисобига ёздириб қўйди. Футболчининг клуб билан амалдаги меҳнат шартномаси 2029 йилнинг ёзигача мўлжалланган.