Мбаппе: «Престианни Винисиусни беш марта «маймун» деб ҳақорат қилди! Беш марта!»
Мадриднинг «Реал» клуби ҳужумчиси Килиан Мбаппе «Бенфика»га қарши кечган Чемпионлар Лигаси плей-офф учрашувидан (1:0) сўнг, майдонда юз берган ирқчилик можароси ҳақида кескин баёнот берди.
Франциялик юлдуз лиссабонликлар вингери Жанлука Престианни жамоадоши Винисиус Жуниорни бир неча бор ҳақорат қилганини тасдиқлади.
«Престианни Винисиусни беш марта «маймун» деб атади! Беш марта! Мен буни ўз кўзим билан кўрдим ва қулоғим билан эшитдим. У ҳеч ким кўрмаслиги ва эшитмаслиги учун юзини либоси (майкаси) билан ёпиб олди, бироқ унинг ўйиндан кейинги реакцияси, юз ифодаси ва ҳаракатлари ҳаммасини айтиб турибди. Уни юзи ёлғон гапирмайди», — дея Мбаппенинг сўзларини келтирмоқда Marca нашри.
Эслатиб ўтамиз, учрашувнинг иккинчи бўлимида Винисиус Жуниор рақибини ирқчиликда айблагач, ўйин бир муддат тўхтаб қолган эди.
