Мбаппе пенальтилардан гол уриш бўйича Иммобиленинг рекордига яқинлашди
Франциялик юлдуз жорий мавсумда 12 та пенальтини аниқ амалга оширди.
ФОТО: Getty Images
«Реал Мадрид»нинг франциялик ҳужумчиси Килиан Мбаппе XXI асрда кучли бешлик лигаларида бир мавсум давомида пенальтидан гол уриш бўйича рекордни янгилашга жуда яқин турибди.
Испания Ла Лигасининг 22-туридан ўрин олган «Райо Валекано»га қарши баҳсда (2:1) Мбаппе 90+10-дақиқада 11 метрлик жарима зарбасини аниқ амалга оширди. Бу унинг жорий мавсумдаги пенальтидан урган 12-голи бўлди. Бу ҳақда Score 90 статистик портали хабар бермоқда.
Ҳозирча ушбу кўрсаткич бўйича рекорд Чиро Иммобилега тегишли. Италиялик ҳужумчи 2019/2020 йилги мавсумда «Лацио» сафида (ҳозирда «Болонья»да) 15 марта пенальтидан унумли фойдаланган эди. Мбаппега ушбу натижани такрорлаш учун 3 та, янгилаш учун эса 4 та гол керак бўлади.
