Mbappe penaltilardan gol urish boʻyicha Immobilening rekordiga yaqinlashdi
Fransiyalik yulduz joriy mavsumda 12 ta penaltini aniq amalga oshirdi.
FOTO: Getty Images
«Real Madrid»ning fransiyalik hujumchisi Kilian Mbappe XXI asrda kuchli beshlik ligalarida bir mavsum davomida penaltidan gol urish bo‘yicha rekordni yangilashga juda yaqin turibdi.
Ispaniya La Ligasining 22-turidan o‘rin olgan «Rayo Valyekano»ga qarshi bahsda (2:1) Mbappe 90+10-daqiqada 11 metrlik jarima zarbasini aniq amalga oshirdi. Bu uning joriy mavsumdagi penaltidan urgan 12-goli bo‘ldi. Bu haqda Score 90 statistik portali xabar bermoqda.
Hozircha ushbu ko‘rsatkich bo‘yicha rekord Chiro Immobilega tegishli. Italiyalik hujumchi 2019/2020 yilgi mavsumda «Latsio» safida (hozirda «Bolonya»da) 15 marta penaltidan unumli foydalangan edi. Mbappega ushbu natijani takrorlash uchun 3 ta, yangilash uchun esa 4 ta gol kerak bo‘ladi.
Nasrullo Karimov
Jurnalist