Мбаппе «Ман Сити»га қарши ўйинда майдонга тушиши мумкин
Аввалроқ франциялик ҳужумчи номсиз бармоғини синидириб олганди.
ФОТО: Getty Images
«Реал Мадрид» ҳужумчиси Килиан Мбаппе Чемпионлар лигаси умумий босқичининг 6-тури доирасида «Манчестер Сити»га қарши ўйинга жамоа қайдномасига киритилди. Бу ҳақида клуб матбуот хизмати маълум қилди.
Аввалроқ Мбаппе Ла Лига 15-турида «Сельта»га қарши баҳсда (0:2) чап қўлидаги номсиз бармоғини синидириб олгани хабар қилинганди. Шунингдек, у жамоанинг ўйинолди машғулотида иштирок этмагани қайд этилганди.
Учрашув бугун, 10 декабрь куни Тошкент вақти билан соат 01:00 да Мадридда жойлашган «Сантьяго Бернабеу» стадионида бўлиб ўтади.
«Манчестер Сити» умумий босқич турнир жадвалида 10 очко билан 12-ўринда бормоқда, «Реал Мадрид» эса 12 очко жамғарган ҳолда олтинчи поғонани эгаллаб турибди.
Насрулло Каримов
Журналист
