Мбаппе «Ливерпул»га ўтиши мумкин эди, бироқ...
«Реал Мадрид» ҳужумчиси Килиан Мбаппе фаолиятининг илк босқичида «Ливерпул»га ўтиш имконияти бўлганини маълум қилди. Франциялик футболчининг айтишича, онаси айнан инглиз клубини энг кўп ёқтирган ва унинг «Энфилд»да ўйнашини истаган. Бу ҳақда The Touchline Мбаппенинг интервьюсига таяниб хабар бермоқда.
Мбаппенинг сўзларига кўра, у «Монако»да ўйнаб юрган пайтда «Ливерпул» билан музокаралар олиб борган ва Юрген Клопп билан ҳам учрашган. Ҳужумчи ўша даврни эслар экан, Клоппнинг лойиҳаси ва клуб режаларини тинглаганини, ҳатто «Ливерпул»га ўтишга жуда яқин бўлганини айтган.
«Онамнинг энг севимли варианти «Ливерпул» эди. У менинг ўша ерда ўйнашимни хоҳларди. Мен Клопп билан учрашганман, муносабатларимиз жуда яхши. Лекин якунда онамнинг гапига кирмадим — Парижга қайтишни ва Францияда қолишни истадим», — дея Мбаппенинг сўзлари келтирилади.
Маълумот учун, Юрген Клопп ҳам аввалроқ Мбаппени 2017 йилда «Ливерпул»га олиб келишга уринганини тасдиқлаган. Немис мутахассиси футболчи ва унинг оиласи билан учрашган, бироқ Мбаппе якунда «Монако»дан ПСЖга ўтган
