Мбаппе Гарсиянинг хет-тригига муносабат билдирди
«Реал» ҳужумчиси «Бетис»га қарши ўйинда учта гол урди.
ФОТО: Getty Images
Мадриднинг «Реал» клуби ҳужумчиси Килиан Мбаппе жамоадоши Гонсало Гарсиянинг «Бетис»га қарши ўйинда қайд этган хет-тригига муносабат билдирди. Ла Лиганинг 18-тури доирасидаги ушбу баҳсда «қироллик клуби» рақибини 5:1 ҳисобида мағлуб этди. Мбаппе мазкур учрашувни жароҳати сабабли ўтказиб юбoрди ва катта эҳтимол билан яқин ўйинларда ҳам майдонга туша олмайди.
Франциялик футболчи Гонсалонинг ўйинидан сўнг ижтимоий тармоқлардаги «сторис»ида қуйидаги фикрни қолдирди:
«Бум! Табриклайман ва бундан ҳам катта муваффақиятлар тилайман. Бомбардир Гонсало Гарсия!»
Маълумот учун, жорий мавсумда Гонсало Гарсия «Реал» сафида 18 та ўйинда (418 дақиқа) майдонга тушиб, 3 та гол урди ва 1 та голли узатмани амалга оширди.
Насрулло Каримов
Журналист