Mbappe Garsiyaning xet-trikiga munosabat bildirdi
«Real» hujumchisi «Betis»ga qarshi oʻyinda uchta gol urdi.
FOTO: Getty Images
Madridning «Real» klubi hujumchisi Kilian Mbappe jamoadoshi Gonsalo Garsiyaning «Betis»ga qarshi o‘yinda qayd etgan xet-trikiga munosabat bildirdi. La Liganing 18-turi doirasidagi ushbu bahsda «qirollik klubi» raqibini 5:1 hisobida mag‘lub etdi. Mbappe mazkur uchrashuvni jarohati sababli o‘tkazib yubordi va katta ehtimol bilan yaqin o‘yinlarda ham maydonga tusha olmaydi.
Fransiyalik futbolchi Gonsaloning o‘yinidan so‘ng ijtimoiy tarmoqlardagi «storis»ida quyidagi fikrni qoldirdi:
«Bum! Tabriklayman va bundan ham katta muvaffaqiyatlar tilayman. Bombardir Gonsalo Garsiya!»
Ma’lumot uchun, joriy mavsumda Gonsalo Garsiya «Real» safida 18 ta o‘yinda (418 daqiqa) maydonga tushib, 3 ta gol urdi va 1 ta golli uzatmani amalga oshirdi.
Nasrullo Karimov
Jurnalist