Мбаппе Чемпионлар Лигасида ўзига хос рекорд ўрнатди
Франциялик юлдуз жорий мавсум давомида сафар учрашувларида жами 10 та голга муаллифлик қилди.
ФОТО: Getty Images
Мадриднинг «Реал» клуби ҳужумчиси Килиан Мбаппе Чемпионлар Лигасида ноёб рекорд ўрнатди. У турнир тарихи давомида бир мавсумда сафар учрашувларида 10 та гол уришга муваффақ бўлган илк футболчиги айланди.
Мбаппе ўзининг сафардаги 10-голини Чемпионлар Лигасининг 2025/2026 йилги мавсуми чорак финал жавоб учрашувида киритди. У ўйиннинг 42-дақиқасида рақиб дарвозасини ишғол қилди. Мазкур баҳсда германлик футболчилар 4:3 ҳисобида ғалаба қозонишди.
«Бавария»дан қабул қилинган ушбу мағлубиятдан сўнг Мадрид клуби Чемпионлар Лигасидаги иштирокини якунлади.
Маълумот учун, турнирнинг амалдаги ғолиби «ПСЖ» ҳисобланади. Ўтган йилги финалда Франция клуби Миланнинг «Интер» жамоасини 5:0 ҳисобида тормор келтирган эди.
Насрулло Каримов
Журналист