Мбаппе «Атлетико»га қарши баҳсни ўтказиб юборади — манба
Мадриднинг «Реал» клуби ҳужумчиси Килиан Мбаппе Испания Суперкубоги яримфиналида «Атлетико»га қарши ўйинда майдонга тушмайди. Бу ҳақда The Athletic нашри хабар берди. Учрашув 8 январ куни Саудия Арабистонининг Жидда шаҳрида бўлиб ўтади.
Аввалроқ Мбаппе «Реал» билан бирга ушбу учрашувга бориши айтилганди, бироқ унинг жароҳати сабабли ўйинда иштирок этиши шубҳа остида қолаяпганди. Энди эса француз футболчиси «Атлетико»га қарши баҳсни ўтказиб юборадигани аниқ бўлди.
Испания Суперкубогининг иккинчи яримфиланида «Барселона» ва Бильбао шаҳрининг «Атлетик» жамоалари ўзаро тўқнаш келади. Турнир финали 11 январ куни бўлиб ўтади.
Маълумот учун, Килиан Мбаппе 2024 йил ёзидан бери «қироллик клуби» сафида тўп суриб келмоқда. Шу вақтга қадар у Мадрид жамоаси сафида 83 та ўйинда майдонга тушиб, 73 та гол ва 10 та голли узатмага муаллифлик қилган. Унинг «Реал» билан тузган шартномаси 2029 йил июн ойигача амал қилади.
