Маттео Ружерининг “Астон Вилла” билан шартнома муддати маълум бўлди
24 ёшли италиялик футболчи “Астон Вилла” билан шахсий шартнома шартлари бўйича келишувга эришган.
Фото: Getty Images
Мадриднинг “Атлетико” клуби ҳимоячиси Маттео Ружери фаолиятини Англияда давом эттиришга яқин турибди.
Инсайдер Николо Скира маълумотига кўра, 24 ёшли италиялик футболчи “Астон Вилла” билан шахсий шартнома шартлари бўйича келишувга эришган. Томонлар 2031 йилгача мўлжалланган шартнома имзолаши кутилмоқда.
Ружерига Италиянинг бир қатор клублари ҳам қизиқиш билдирган, бироқ “Астон Вилла” трансфер пойгасида рақибларини ортда қолдирган.
Аввалроқ футболчининг трансфери Бирмингем клубига 18 миллион евро ва қўшимча 6 миллион евро бонусларга тушиши мумкинлиги ҳақида хабар берилганди.
Ўтган мавсумда Ружери барча мусобақаларда 47 та учрашувда майдонга тушиб, 7 та голли узатмани амалга оширган.
Насрулло Каримов
Журналист