Маттео Дармиан «Болонья» билан келишувга эришди
«Интер»нинг собиқ ҳимоячиси Маттео Дармиан фаолиятини «Болонья»да давом эттиришга яқин турибди. 36 ёшли италиялик футболчи айни пайтда эркин агент мақомида бўлиб, янги клуби билан шартнома шартларини келишиб олди. Бу ҳақда инсайдер Николо Скира хабар бермоқда.
Манбага кўра, Дармиан «Болонья» билан 2027 йил ёзигача мўлжалланган бир йиллик шартнома бўйича келишувга эришган. Клуб тажрибали ҳимоячини жароҳат олган Эмил Холм ўрнига таркибга қўшишни режалаштирмоқда. Холмнинг сон мушагидаги жиддий жароҳати сабаб 4–6 ой майдонга туша олмаслиги мумкин.
Дармиан ёзги трансфер ойнаси якунланганидан кейин ҳам эркин агент бўлиб қолган эди. «Болонья» унинг тажрибаси ва ҳимоянинг бир нечта позициясида ўйнай олишини юқори баҳоламоқда. Аввалроқ италиялик футболчига «Торино» ва «Кальяри» ҳам қизиқиш билдирган эди.
Маълумот учун, Дармиан 2020–2026 йиллар давомида «Интер» сафида 218 та ўйинда майдонга тушиб, 13 та гол ва 13 та ассист қайд этди. У миланликлар билан 3 марта А Серия, 3 марта Италия кубоги ва 3 марта Италия Суперкубогини қўлга киритган. 2026 йил 30 июнда унинг «Интер» билан шартномаси якунланган.
