Матиас Соуле АПЛга йўл олиши мумкин
Футболчининг «Рома» билан амалдаги шартномаси 2029 йил июнигача мўлжалланган.
ФОТО: Getty images
«Рома» вингери Матиас Соуле фаолиятини Англия чемпионатида давом эттириши мумкин.
Журналист Николо Скиранинг маълум қилишича, 23 ёшли аргентиналик футболчига «Сандерленд» жиддий қизиқиш билдирмоқда. Томонлар ўртасида тўғридан-тўғри музокаралар яқин соатларда бошланиши кутилмоқда.
Манбага кўра, «Рома» Соуле трансферидан 35–40 миллион евро ишлаб топишни режалаштирмоқда.
2025/2026 йилги мавсумда Соуле барча мусобақаларда 42 та учрашувда майдонга тушиб, 7 та гол урди ва 8 та голли узатма муаллифи бўлди.
Футболчининг «Рома» билан амалдаги шартномаси 2029 йил июнигача мўлжалланган. Transfermarkt унинг бозор қийматини 35 миллион евро деб баҳолаган.
Розикжон Султонмуродов
Журналист