Мастантуоно «Фиорентина»га ўтиши мумкин
Бунга «Фиорентина» унга мунтазам ўйин амалиётини кафолатлагани сабаб бўлган.
ФОТО: Getty images
«Реал» футболчиси Франко Мастантуоно «Фиорентина» жамоасига ўтиши мумкин. Бу ҳғақда Тhe Touchline нашри хабар берди.
Манбага кўра, 18 ёшли аргентиналик футболчи ижара асосида Флоренция клубига ўтишга бир қадам қолган. Ҳозирда томонлар битимнинг сўнгги тафсилотларини, хусусан, футболчининг маошининг қайси қисмини «Фиорентина» ўз зиммасига олишини муҳокама қилмоқда.
Манбага кўра, Мастантуононинг ўзи ҳам ушбу трансферга розилик берган. Бунга «Фиорентина» унга мунтазам ўйин амалиётини кафолатлагани сабаб бўлган.
Маълумот учун, Франко 2025 йил ёзида Аргентинанинг «Ривер Плейт» клубидан «Реал» сафига келиб қўшилган эди. 14 август куни у 19 ёшга тўлади. Ўтган мавсум «Фиорентина» А Серияни 15-ўринда якунлаган.
Розикжон Султонмуродов
Журналист