Mastantuono «Fiorentina»ga o‘tishi mumkin

«Real» futbolchisi Franko Mastantuono «Fiorentina» jamoasiga o‘tishi mumkin. Bu haqda The Touchline nashri xabar berdi.

Manbaga ko‘ra, 18 yoshli argentinalik futbolchi ijara asosida Florensiya klubiga o‘tishga bir qadam qoldi. Hozirda tomonlar bitimning so‘nggi tafsilotlarini, xususan, futbolchining maoshining qaysi qismini «Fiorentina» o‘z zimmasiga olishini muhokama qilmoqda.

Manbaga ko‘ra, Mastantuononing o‘zi ham ushbu transferga rozilik bergan. Bunga «Fiorentina» unga muntazam o‘yin amaliyotini kafolatlagani sabab bo‘lgan.

Ma’lumot uchun, Franko 2025 yil yozida Argentinaning «River Pleyt» klubidan «Real» safiga kelib qo‘shilgan edi. 14 avgust kuni u 19 yoshga to‘ladi. O‘tgan mavsum «Fiorentina» A Seriyani 15-o‘rinda yakunlagan.

Roziqjon Sultonmurodov

Jurnalist

0 0 0 0 0 0