Машарипов 9 ойлик танаффусдан сўнг майдонга тушди
Машарипов 9 ойлик танаффусдан сўнг майдонга тушди
Эрон чемпионатининг 6-турида «Истиқлол» сафарда «Алюминиум» билан голсиз дуранг қайд этди.
Теҳронликлар сафида Ўзбекистон миллий жамоаси ҳимоячиси Рустам Ашурматов тўлиқ ҳаракат қилди, яримҳимоячи Жалолиддин Машарипов эса 9 ойлик танаффусдан сўнг майдонга тушди ва 20 дақиқадан кўпроқ ўйнади.
Теҳрон клуби очколарини 12 тага етказиб, 2-ўринни эгаллаб турибди ва Одил Ҳамробеков ўйнайдиган пешқадам «Трактор»дан 4 очкога ортда қолмоқда. Игор Сергеев ва Остон Ўрунов тўп тепадиган «Персеполис» эса 10 очко билан 4-поғонада ҳамда захирасида бир ўйини бор.
Эрон Пролигаси. 6-тур
Алюминиум Арак — Истиқлол 0:0
Истиқлол — Фараббоси, Фаллаҳ, Чашми, АШУРМАТОВ, Тураниян (Замони, 70), Холизода, Раззақиниа, Гударзи, Асани, Кушки (Сахархизан, 70), Исломи (МАШАРИПОВ, 70).
