Masharipov 9 oylik tanaffusdan so‘ng maydonga tushdi
Masharipov 9 oylik tanaffusdan so‘ng maydonga tushdi
Eron chempionatining 6-turida «Istiqlol» safarda «Alyuminium» bilan golsiz durang qayd etdi.
Tehronliklar safida O‘zbekiston milliy jamoasi himoyachisi Rustam Ashurmatov to‘liq harakat qildi, yarimhimoyachi Jaloliddin Masharipov esa 9 oylik tanaffusdan so‘ng maydonga tushdi va 20 daqiqadan ko‘proq o‘ynadi.
Tehron klubi ochkolarini 12 taga yetkazib, 2-o‘rinni egallab turibdi va Odil Hamrobekov o‘ynaydigan peshqadam «Traktor»dan 4 ochkoga ortda qolmoqda. Igor Sergeyev va Oston O‘runov to‘p tepadigan «Persepolis» esa 10 ochko bilan 4-pog‘onada hamda zaxirasida bir o‘yini bor.
Eron Proligasi. 6-tur
Alyuminium Arak — Istiqlol 0:0
Istiqlol — Farabbosi, Fallah, Chashmi, ASHURMATOV, Turaniyan (Zamoni, 70), Xolizoda, Razzaqinia, Gudarzi, Asani, Kushki (Saxarxizan, 70), Islomi (MASHARIPOV, 70).
