«Машъал» Қаршида «Бухоро»ни мағлубиятга учратиб, Суперлигада қоладиган бўлди
Ғолиб пенальтилар сериясида аниқланди.
Фото: Машъал ПФК
Суперлигада жон сақлаб қолиш учун “Машъал” ва “Бухоро” жамоалари ўртасида бўлиб ўтган плей-офф учрашуви ўз ниҳоясига етди.
Асосий вақтда ва қўшимча икки бўлимда ҳам ҳисоб очилмади. Учрашувда жамоалар майдонда 120 дақиқа ҳаракат қилган бўлса-да, беллашув 0:0 ҳисобида якунланди.
Шундан сўнг ғолиб номи пенальтилар сериясида аниқланадиган бўлди. Серияда “Машъал” 3:1 ҳисобида бухороликлардан қўли баланд келди ва кейинги мавсум яна Суперлигада иштирок этиш ҳуқуқини ўзида сақлаб қолди.
Суперлига. Плей-офф ўйини
Машъал - Бухоро - 0:0. Пенальтилар серияси - 3:1
