Мартинес: «Ўзбекистон терма жамоаси ҳам катта ҳурматга сазовор»
Қуръа ташлаш маросимида португалияликлар Колумбия ва Ўзбекистон терма жамоалари билан бир квартетга тушди.
ФОТО: Getty images
Португалия терма жамоаси бош мураббийи Роберто Мартинес ЖЧ-2026да гуруҳдаги рақиблари ҳақида фикр билдирди.
Қуръа ташлаш маросимида португалияликлар Колумбия ва Ўзбекистон терма жамоалари билан бир квартетга тушди. Гуруҳнинг тўртинчи аъзоси плей-офф ўйинларида ҳал бўлади - у Янги Каледония, Конго ёки Ямайка бўлади.
"Португалия ва Колумбия учрашуви - бу ўзига хос нарса, мен бу ўйинни ғурур ва ҳаяжон билан кутяпман. Фабио Каннаваро мураббийлик қилаётган Ўзбекистон терма жамоаси ҳам катта ҳурматга сазовор. Плей-офф орқали турнирга йўл олган жамоалар ҳар доим ўзгача кайфиятда ўйнашади," - деди Мартинес журналистлар билан суҳбатда.
Маълумот учун, ЖЧ-2026 баҳслари 11 июндан 19 июлга қадар АҚШ, Канада ва Мексика майдонларида бўлиб ўтади.
Розикжон Султонмуродов
Журналист