Мартинес Силванинг «Барселона»даги истиқболларини баҳолади
Бернарду Каталония клуби билан музокара ўтказмоқда.
ФОТО: Getty images
Португалия терма жамоаси бош мураббийи Роберто Мартинес миллий жамоа ярим ҳимоячиси Бернарду Силванинг “Барселона”га ўтиши мумкинлиги ҳақида фикр билдирди.
“Ўйлайманки, Бернарду Силва шунчалик ажойиб ўйинчики, у жаҳон футболининг исталган жамоасига мос тушади. У ҳар қандай тизим ва ўйин услубига мослаша олади, деб ўйлайман. Гап позицияда эмас, балки унинг ҳар бир ҳаракатда устунлик қилиш имконини берадиган футбол интеллекти ва техник даражасида”, — дея Мартинеснинг сўзларидан иқтибос келтиради Mundo Deportivo.
Аввалроқ ОАВда Силванинг “Барселона” билан икки йиллик шартнома имзолаши мумкинлиги ҳақида хабар берилганди. Шу билан бирга, ярим ҳимоячи “кўк-анорранглилар” Ла Лиганинг молиявий қоидаларига мос келиши учун маошининг камайишига тайёр.
Розикжон Султонмуродов
Журналист