Мартин Боаке: Клуб билан ўз олдимизга қўйилган мақсадга эришишни истайман
“Андижон” клубининг қишки селекция пайтида амалга оширган трансферларидан бири Мартин Боаке бўлиб, мухлислар учун у бегона эмас.
Бўиси, Ўзбекистонга илк бор келган 2021-йили айнан “Андижон”да ярим мавсум тўп сурган.
Ҳозирда ушбу ҳужумчи “Андижон” билан Анталия йиғинида астойдил меҳнат қилмоқда ва куни кеча клуб матбуот хизматига дастлабки интервьюсини берди.
Қайтиш ва ҳис-туйғулар
- "Андижон"га қайтиш ҳисси қандай? Бу клуб сизнинг фаолиятингизда нимаси билан алоҳида?
- Мен ортга қайтганимдан ўзимни жуда яхши ҳис қилдим ва бу қароримдан жуда хурсандман.
- 2021-йилдан бери сизда қандай ўзгаришлар бўлди?
- Мен кўп тажриба олдим ва ҳозир анча улғайдим.
- Қайтиб келишингизда қайси омил асосий роль ўйнади?
- Биринчиси, бош мураббийимиз билан бу клубда нималарга эришишимиз ҳақида жуда яхши гаплашдик. Иккинчиси, мен ушбу жамоага биринчи марта келганимда бошлаган ишимни тугатиш учун қайтдим.
Тажриба ва ўсиш
- ОКМК, Таиланд ва Туркияда ўйнаш сизга нимани ўргатди?
- Нима бўлишидан қатъи назар, ҳар лаҳзадан завқланиш.
- Қайси чемпионат услуб жиҳатидан сизга энг қийин бўлди?
- Хитой (суперлига).
- Бу тажрибалар “Андижон”да сизга қандай фойда беради?
- Олдингига нисбатан ҳам қаттиқроқ ишлаш.
Майдондаги мақсадлар
- Бу мавсум учун шахсий мақсадингиз қандай?
- Клуб билан ўз олдимизга қўйилган мақсадга эришишни истайман ва бу борада қўлимдан келганича ёрдам бермоқчиман.
- “Андижон” мухлисларига қандай ўйин ва голлар улашмоқчисиз?
- Мен Андижондагимда урган голларим билан баҳам кўришни яхши кўрардим. Лекин ўшанда унчалик кўп гол урмагандим. Бу сафар ўзимни янада яхшироқ кўрсатишни истайман.
- Жамоада ёш ҳужумчилар бор — уларга қандай маслаҳат берган бўлардингиз?
- Қўрқмаслик, қаттиқ ишлаш ва футболдан завқланишни.
