Марсиал Серхио Рамоснинг жамоадошига айланди
У фаолиятини Мексикада давом эттиради.
ФОТО: Getty images
“Манчестер Юнайтед” собиқ футболчиси Антони Марсиал “Монтеррей”га кўчиб ўтади. Бу ҳақда журналист Фабрицио Романо хабар берди.
Франциялик футболчи Серхио Рамос билан бир жамоада ўйнайди. Грециянинг АЕК клуби Марсиалга Мексикага тиббий кўрикдан ўтиш ва шартнома имзолаш учун йўлга чиқишга рухсат берди.
Футболчининг йиллик 2,5 миллион евро соф маоши унинг АЕКдан кетишига асосий тўсиқ бўлиб турганди. Бироқ Мексика клуби у билан ниҳоят келишувга эришган.
Эслатиб ўтамиз, 29 ёшли Антони “Манчестер Юнайтед”дан АЕКка 2024/2025 йилги мавсумда келган эди ва у барча мусобақаларда 24 та ўйинда 9 та гол уриб, 2 та голли узатма амалга оширди.
Розикжон Султонмуродов
Журналист