Marsial Serxio Ramosning jamoadoshi bo‘ldi
U faoliyatini Meksikada davom ettiradi.
ФОТО: Getty images
"Manchester Yunayted"ning sobiq futbolchisi Antoni Marsial "Monterrey"ga ko‘chib o‘tadi. Bu haqda jurnalist Fabrizio Romano xabar berdi.
Fransiyalik hujumchi Serxio Ramos bilan bir jamoada to‘p suradi. Gretsiyaning AEK klubi Marsialga Meksikaga borib, tibbiy ko‘rikdan o‘tish va shartnoma imzolash uchun yo‘lga chiqishga ruxsat berdi.
Futbolchining yillik 2,5 million yevro sof maoshi uning AEKdan ketishiga asosiy to‘siq bo‘lib turgan edi. Biroq Meksika klubi u bilan nihoyat kelishuvga erishdi.
Eslatib o‘tamiz, 29 yoshli Antoni "Manchester Yunayted"dan AEKga 2024/2025 yilgi mavsumda kelgan edi va u barcha musobaqalarda 24 ta o‘yinda 9 ta gol urib, 2 ta golli uzatmaga mualliflik qilgan.
Roziqjon Sultonmurodov
Jurnalist