Марсело: «Мессига қарши ўйнаш — ҳақиқий даҳшат эди»
Мадриднинг «Реал» клуби афсонавий ҳимоячиси Марсело ўз фаолияти давомида каталонияликларнинг юлдуз ҳужумчиси Лионел Мессига қарши ўтказган учрашувлари ҳақидаги хотиралари билан ўртоқлашди.
«Унга қарши ўйнаш қийин эди, деб айтиш — вазиятни жуда юмшатиб кўрсатиш бўлади. Баъзида Мессига қарши тўп суриш ҳақиқий даҳшат эди», — дея бразилиялик футболчининг сўзларини келтиради FourFourTwo нашри.
Лионел Месси «Барселона» сафида 17 йил давомида жами 778 та учрашувда майдонга тушиб, рақиблар дарвозасини 672 марта ишғол қилган. Бу вақт ичида у жами 35 та совринни қўлга киритган, шулардан 10 таси Испания чемпионлиги, 4 таси эса УЕФА Чемпионлар Лигаси ғолиблигидир.
Эслатиб ўтамиз, аргентиналик футболчи 2021 йилда «Барселона»ни тарк этиб, фаолиятини Франциянинг «ПСЖ» клубида давом эттирган эди.
