«Марсель» янги бош мураббий қидира бошлади
L'Equipe хабар беришича, «Марсель» клуби янги бош мураббий изламоқда.
Манба маълумотларига кўра, жамоанинг амалдаги бош мураббийи Хабиб Бей олдига икки асосий мақсад қўйилган эди – жамоани Чемпионлар лигасига олиб чиқиш ва Франция кубоги финалига йўлланма олиш. 48 ёшли сенегаллик мураббий бу икки вазифани бажара олмади.
Бей 2026 йил февралдан «Марсель»да ишлаб келмоқда. Унинг шартномаси 30 июн 2027 йилга қадар амал қилади. Илгари у «Ред Стар» ва «Ренн» жамоаларида фаолият юритган.
Бош мураббий лавозими учун номзодлар қаторига қуйидагилар киритилган: Бруно Женезио («Лилль»), Ади Хюттер (2025 йил кузида «Монако»дан кетган) ва Кристоф Галтье («Неом»).
Ҳозирги вақтда «Марсель» Франция чемпионати жадвалида 33 учрашувдан сўнг 56 очко билан 6-ўринда туради.
