«Марсел» Хёйберг бўйича «Бешиктош»дан келган 10 миллион евролик таклифни рад этди
Франциянинг «Марсел» клуби Дания терма жамоаси ярим ҳимоячиси Пьер-Эмил Хёйбергни сотиб олиш масаласида Туркиянинг «Бешиктош» жамоаси томонидан берилган таклифни рад этди. Бу ҳақда нуфузли L’Équipe нашри хабар тарқатди.
Манбанинг маълум қилишича, Истанбул клуби 29 ёшли футболчи учун тахминан 10 миллион евро таклиф қилган. Қайд этилишича, ушбу ёзги трансфер ойнасида даниялик хавбекнинг «Олимпик»ни тарк этиш эҳтимоли жуда юқори. Сабаби, провансалликлар УЕФАнинг молиявий регламенти (фейр-плей) чекловларига сиғиш учун бир қатор етакчи ижрочиларни сотишга мажбур бўлмоқдалар.
Пьер-Эмил Хёйберг Дания футболи тарбияланувчиси ҳисобланади. У профессионал фаолияти давомида «Бавария», «Аугсбург», «Шалке», «Саутгемптон» ва «Тоттенҳэм» каби клубларда тўп сурган. Ярим ҳимоячи 2024 йилнинг ёзида «Тоттенҳэм»дан ижара асосида «Марсел»га ўтган эди, ўтган йили эса клуб билан 2028 йилнинг ёзигача мўлжалланган тўлиқ ҳуқуқли шартнома имзолаган.
