Марокаш бош мураббийи: «Содир бўлган воқеани ўзгартира олмаймиз. Унинг ўзи шундай тепишни танлади»
«Марокаш» миллий терма жамоаси бош мураббийи Валид Реграги Африка Кубоги финалида Сенегал терма жамоасига (0:1) қарши ўтган ўйинда Браим Диас амалга ошира олмаган пеналти тўғрисида фикр билдирди.
Баҳсли пеналти белгиланганидан сўнг Сенегал бош мураббийи Пап Тиав жамоани майдонни тарк этишга мажбур қилган эди. Кейинчалик Садио Мане ўйинчиларни қайтарган, Браим Диас эса пеналти зарбасини паненка услубида, тўғридан-тўғри дарвозабон Эдуард Менди қўлига йўналтирган эди.
«У зарба беришдан олдин кўп вақтга эга эди, бу эса уни руҳий жиҳатдан чалғитган бўлиши мумкин. Лекин содир бўлган воқеаларни ўзгартира олмаймиз. У ўзи шундай уришни танлади. Энди биз фақат олдинга қарашимиз керак», — дейди Реграги.
Сенегал миллий терма жамоаси ғалабасини қўшимча вақтнинг охирида Пап Ге кiritган гол таъминлади. Шу тариқа Сенегал тарихида иккинчи марта Африка Кубоги ғолиби бўлди.
