Маркус Решфорд АПЛнинг учта клубига рад жавобини берди
“Манчестер Юнайтед” вингери Маркус Решфорд ёзги трансфер ойнасида Англия Премьер-лигасининг учта клубидан таклиф олган, бироқ уларнинг барчасини рад этган. 28 ёшли футболчи ўтган мавсумни “Барселона” сафида ижара асосида ўтказиб, ёзда Манчестер клубига қайтди.
Журналист Сам C маълумотига кўра, Решфордга АПЛнинг учта жамоаси қизиқиш билдирган. Шунингга қарамай, футболчини таклиф қилинган вариантларнинг ҳеч бири қониқтирмаган ва у Англиянинг бошқа клубига ўтишни истамаган.
Ҳозирда Решфорд бор эътиборини “Манчестер Юнайтед”даги фаолиятига қаратган. Аввалроқ унинг ёзда яна жамоани тарк этиши кутилмоқда эди, бироқ ҳозирча футболчи Манчестерда қолишга қарор қилган.
Маълумот учун, Маркус Решфорднинг “Манчестер Юнайтед” билан амалдаги шартномаси 2028 йилнинг ёзига қадар мўлжалланган. Transfermarkt портали англиялик футболчининг бозор қийматини 40 миллион евросига баҳоламоқда.
