Маркус Баббел: «Ливерпул» Гарри Кейнга қизиқиши керак
«Ливерпул», «Бавария» ва «Гамбург» жамоаларида тўп сурган собиқ футболчи Маркус Баббелнинг фикрича, агар ҳужумчи Дарвин Нунес жамоани тарк этса, англиялик клуб «Бавария» форварди Гарри Кейнга эътибор қаратиши керак.
Liverpool Echo нашри Баббел сўзларини шундай келтиради:
«Нунес кўпроқ ўйин амалиёти олиши керак. Аммо агар “Ливерпул” уни ёзда сотишни режалаштираётган бўлса ва чиндан ҳам юқори даражали тўпурарни олишни хоҳласа, Гарри Кейнга қараш керак. Агар у Англия Премер-лигасига қайтса, жамоага жуда кўп нарса бера олади».
Жорий мавсумда Нунес барча мусобақаларда 42 та ўйин ўтказиб, 7 та гол урди ва 7 та ассист берди. Унинг «Ливерпул» билан тузган шартномаси 2028 йил ёзигача амал қилади. Transfermarkt портали маълумотларига кўра, футболчининг бозор қиймати 50 миллион еврога тенг.
