Марко Верратти \"Ал-Дуҳайл\" футболчисига айланди
Фото: Getty Images
Италиялик ярим ҳимоячи Марко Верратти Қатарнинг "Ал-Дуҳайл" клуби футболчисига айланди. Бу ҳақда клуб расмий сайти хабар берди.
32 ёшли ярим ҳимоячи билан шартнома имзоланган, бироқ унинг муддати ҳали ошкор қилинмаган.
Верратти бунга қадар Қатарнинг бошқа бир клуби – "Ал-Араби" жамоасида ўйнаган. Бу клуб сафида икки йил тўп сурди. Шартномаси якунига етганидан сўнг “Ал-Дуҳайл” аъзосига айланди.
Верратти Қатар чемпионатининг жорий мавсумида 16 ўйин ўтказиб, 4 та гол урди ва 4 та голли узатмани амалга оширди.
Баҳром Бобонов
Редактор