Маркиньос Саудия чемпионатига йўл олиши мумкин
Фото: Getty Images
"ПСЖ"нинг бразилиялик ҳимоячиси Маркиньос ёзги мавсумлар оралиғида клубни тарк этиши мумкин. Бу ҳақда L'Equipe нашри хабар берди.
Манбага кўра, парижликлар 30 ёшли футболчини сотиб юбориш имкониятини кўриб чиқмоқда. Футболчига Саудия Арабистони клублари қизиқиш билдирмоқда. “Ал-Ҳилол” ва “Ал-Аҳли” ушбу ҳимоячини ўз сафига қўшиб олмоқчи.
Жорий мавсумда бразилиялик футболчи "ПСЖ" сафида 38 та ўйинда майдонга тушди ва 2 та гол урди. Футболчининг “ПСЖ” билан шартномаси 2028 йилнинг ёзига қадар мўлжалланган.
