Markinyos Saudiya chempionatiga yo‘l olishi mumkin
Photo: Getty Images
"PSJ"ning braziliyalik himoyachisi Markinyos yozgi mavsumlar oralig‘ida klubni tark etishi mumkin. Bu haqda L'Equipe nashri xabar berdi.
Manbaga ko‘ra, parijliklar 30 yoshli futbolchini sotib yuborish imkoniyatini ko‘rib chiqmoqda. Futbolchiga Saudiya Arabistoni klublari qiziqish bildirmoqda. “Al-Hilol” va “Al-Ahli” ushbu himoyachini o‘z safiga qo‘shib olmoqchi.
Joriy mavsumda braziliyalik futbolchi "PSJ" safida 38 ta o‘yinda maydonga tushdi va 2 ta gol urdi. Futbolchining “PSJ” bilan shartnomasi 2028 yilning yozigacha mo‘ljallangan.
