Маркиньос: «Ижобий кайфиятни сақлаб қолишимиз керак»
Маркиньос «ПСЖ»нинг Франция чемпионати 34-турида «Париж»га қарши ўйиндаги (1:2) мағлубиятига изоҳ берди.
«Биз ўз даражамизда ўйнай олмадик, айниқса жонбозлик борасида. Бу, айниқса, биринчи бўлимда сезилди — деярли ҳеч қандай хавфли вазият ярата олмадик. Бироқ ижобий кайфиятни сақлаб қолишимиз керак, чунки энг муҳими ҳали олдинда — бу Чемпионлар лигаси финали.
Шу билан бирга, биз рақобатбардош жамоамиз ва доимо ғалаба қозонишни истаймиз, айниқса бу дерби ўйини эди. Рақиб жуда яхши жамоа, уларга қарши ўйнаш ҳар доим қийин. Аммо айни пайтда ҳар икки жамоа мавсумнинг турли босқичларида турибди», — деди Маркиньос L'Équipe нашрига.
Маълумот учун, «ПСЖ» мавсумни 34 ўйинда 76 очко тўплаб, Лига 1 жадвалида биринчи ўринда якунлади. «Париж» эса 44 очко билан 11-поғонадан жой олди.
