Марк Кукуреля: «Моуринью мен билан қўнғироқлашганда «Челси» ва «Бенфика» ўйинидаги деталларни эслади»
Аввалроқ Мадрид гранди испаниялик ҳимоячини ўз сафига қўшиб олганди.
Футбол
Насрулло Каримов
Журналист
ФОТО: Getty Images
Мадриднинг «Реал» клуби янги ҳимоячиси Марк Кукуреля «қироллик клуби»га ўтишидан аввал жамоа бош мураббийи Жозе Моуринью билан бўлиб ўтган суҳбат тафсилотларини очиқлади. Испания гранти футболчининг трансфери 15-июн куни расман эълон қилинган эди.
«Мен Моуринью билан суҳбатлашдим. У менга қўнғироқ қилиб, мен билан бирга ишлашни хоҳлаётганини айтди. Мен ҳам ушбу ҳамкорликни сабрсизлик билан кутяпман.
Суҳбатимиз жуда тез фурсат ичида ҳал бўлди. Менга унинг анча вақт олдин ўтказилган «Челси» ва «Бенфика» учрашувидаги ҳаракатларимни эслагани ва майда деталларгача эътибор қаратгани жуда ёқди. Бундай муносабат менга бу амалга оширишим керак бўлган тўғри қадам эканлигига тўлиқ ишонч бағишлади», — дея Кукурелянинг сўзларини келтирмоқда AS нашри.