Мариу қишда «Ювентус»ни тарк этиши мумкин
Унинг “Ювентус” билан шартномаси 2030 йил ёзигача амал қилади.
ФОТО: Getty images
"Ювентус"нинг ўнг қанот ҳимоячиси Жоау Мариу қишки трансферлар даврида клубни тарк этиш ҳақида ўйламоқда.
Журналист Николо Скира хабар беришича, 25 ёшли қанот ҳимоячиси кўпроқ майдонга тушишни истамоқда, шу боис у январь ойидаёқ жамоани тарк этиши мумкин.
“Бьянконерилар" португалияликни атиги ярим йил олдин сотиб олган, аммо янги бош мураббий Лучано Спаллетти унга умид қилмаяпти.
Жоау Мариу жорий мавсумда барча мусобақаларда 11 та учрашувда иштирок этиб, битта голли узатмага муаллифлик қилган. Унинг “Ювентус” билан шартномаси 2030 йил ёзигача амал қилади.
Розикжон Султонмуродов
Журналист