Мареска “Манчестер Сити”даги катта ўзгаришларга муносабат билдирди
“Манчестер Сити” бош мураббийи Энсо Мареска жамоани тарк этган бир қатор тажрибали футболчилар ҳақида фикр билдирди.
Италиялик мутахассис Бернардо Силва, Натан Аке ва Жон Стоунснинг кетишини табиий жараён деб ҳисобламоқда. Унинг айтишича, бу футболчилар узоқ йиллар давомида клуб учун муҳим роль ўйнаган, бироқ ҳар бир жамоада бир кун келиб авлодлар алмашинуви юз беради.
Мaреска бунга мисол сифатида “Сити”нинг олдинги йиллардаги ўзгаришларини ҳам эслади. Давид Силва кетганидан кейин Кевин Де Брюйне жамоанинг асосий фигурасига айланган, Серхио Агуэро ўрнига Эрлинг Холанд келган, Фернандиньонинг ўрнини эса Родри эгаллаган.
Мураббийнинг фикрича, клубдаги ҳозирги ўзгаришларни инқироз сифатида эмас, янги даврнинг бошланиши сифатида қабул қилиш керак.
