Мареска “Манчестер Сити” машғулотларига янгилик киритди
“Манчестер Сити” бош мураббийи Энзо Мареска жамоа машғулотларини мусиқа остида ўтказишни йўлга қўйди. Италиялик мутахассис бу орқали футболчилар учун янада эркин ва ижобий муҳит яратишни мақсад қилган. Машғулотларда асосан рақс ва ҳаус йўналишидаги мусиқалар янграмоқда.
Мусиқаларни футболчиларнинг ўзлари ёки жисмоний тайёргарлик бўйича мураббийлар танлайди. Клуб базасига бунинг учун катта овоз кучайтиргичлар ҳам ўрнатилган. Маресканинг фикрича, мусиқа футболчиларнинг кайфиятига ижобий таъсир қилиб, машғулотлардаги ишчанликни оширади.
Италиялик мураббий бу усулдан аввал “Лестер” ва “Челси”даги фаолияти давомида ҳам фойдаланган. Энди эса у “Манчестер Сити”да Пеп Гвардиола давридан кейин жамоага ўзига хос янги муҳит олиб киришга ҳаракат қилмоқда. Машғулотлар учун мусиқа танлаш эса футболчилар орасида ўзига хос анъанага айланган.
Маълумот учун, Энзо Мареска “Манчестер Сити” бошқарувини Пеп Гвардиоланинг клубдаги ўн йиллик фаолиятидан сўнг қабул қилиб олди. Унинг қўл остида жамоа 2026/27 йилги Чемпионлар Лигаси мавсумини “Порту” устидан 2:0 ҳисобидаги ғалаба билан бошлади.
