Мареска — «Ман Сити»нинг янги бош мураббийи (Романо)

Собиқ “Челси” мураббийи Энцо Мареска “Манчестер Сити” билан ҳамкорлик шартларини оғзаки равишда келишиб олди. Бу ҳақда журналист Фабрицио Романо хабар берди.

Манбага кўра, италиялик мутахассис анча вақтдан буён “шаҳарликлар” бош мураббийлигига асосий номзод сифатида кўриб келинаётган эди ва у Пеп Гваодиола ўрнини эгаллайди.

Яқин кунларда Мареска “Манчестер Сити” билан расмий шартнома имзолаши кутилмоқда. Меҳнат шартномаси 3 йилга мўлжалланади.

Маресканинг мураббийлик фаолиятида “Лестер”, “Вест Хэм”, “Севилья” каби жамоалар ҳам мавжуд. Шунингдек, у 2022–2023 йилларда “Манчестер Сити”да ассистент сифатида ишлаган ҳамда клубнинг ёшлар жамоаси билан фаолият юритган.

Розикжон Султонмуродов

Журналист