Мануэл Нойер Германия терма жамоасида янги рекорд ўрнатди
Германия терма жамоаси дарвозабони Мануэл Нойер Жаҳон чемпионатлари тарихида миллий жамоаси учун муҳим рекорд қайд этди.
40 ёшли голкипер ЖЧ-2026 1/16 финалида Парагвайга қарши учрашувни асосий таркибда бошлади. Бу Нойер учун Жаҳон чемпионатларидаги 23-асосий таркибдаги ўйинга айланди.
Шу тариқа, у Германия терма жамоаси тарихида мундиалларда энг кўп марта асосий таркибда майдонга тушган футболчига айланди.
Аввал бу рекорд Лотар Маттеус ва Мирослав Клозега тегишли эди. Ҳар икки афсонавий футболчи Жаҳон чемпионатларида Германия сафида 22 мартадан асосий таркибда ўйинни бошлаган.
Нойер эса жорий турнир давомида аввал уларнинг рекордини такрорлади, Парагвайга қарши баҳсда эса янги натижани расмийлаштирди.
Маълумот учун, Мануэл Нойер Германия терма жамоаси сафида жами 128 та ўйин ўтказган. У 2014-йилда Германия билан Жаҳон чемпиони бўлган.
