Мануэль Нойер дарвозабонлар ўртасида Жаҳон чемпионатларидаги ўйинлар сони бўйича рекордни такрорлади
Немис дарвозабони ушбу кўрсаткич бўйича Уго Льорисга етиб олди.
ФОТО: Getty Images
Германия терма жамоаси дарвозабони Мануэль Нойер дунё биринчиликларида энг кўп ўйин ўтказган дарвозабонлар орасидаги рекорд натижани такрорлади. Ушбу воқеа 2026 йилги футбол бўйича Жаҳон чемпионати гуруҳ босқичининг 1-тури доирасида Кюрасаога қарши кечган учрашувда юз берди.
Кюрасао миллий жамоасига қарши баҳс Нойер учун Жаҳон чемпионатларидаги 20-ўйинга айланди ва у бу кўрсаткич бўйича Франция терма жамоасининг собиқ посбони Уго Льорисга етиб олди.
Маълумот учун, гуруҳ босқичи учрашувлари 11-июндан 27-июнгача давом этади. Жамоалар ўзаро бир даврали тизимда (ҳар бири учтадан ўйин) майдонга тушишади. Плей-офф босқичига эса ҳар бир гуруҳдан иккитадан энг яхши терма жамоа ҳамда учинчи ўринни эгаллаган энг яхши 8 та жамоа йўл олади.
Насрулло Каримов
Журналист